Harry Maguire og Cristiano Ronaldo voru þeir leikmenn sem fengu mesta áreitið á samskiptamiðlinum Twitter á síðustu leiktíð.
Þetta kemur fram í rannsókn Ofcom í Bretlandi en færslurnar sem voru skoðaðar voru 2,3 milljónir í heild sinni – aðeins voru leikmenn í ensku úrvalsdeildinni teknir fyrir.
Ronaldo var umtalaðasti leikmaður síðasta tímabils en hann kom fram í 188 þúsund færslum og tæplega fjögur þúsund af þeim mátti flokka sem áreiti.
Ronaldo er einn allra vinsælasti íþróttamaður heims en hann er með tæplega 100 milljónir fylgjenda.
Maguire er að sama skapi fyrirliði Man Utd og átti ekki góðan vetur og var töluvert gagnrýndur fyrir sína frammistöðu.
Alls mátti finna 60 þúsund Twitter færslur sem innihéldu áreiti en Twitter er mögulega sá samkiptamiðill þar sem fólk á það til að fara mest yfir strikið.