Nacho Monreal hefur lagt skóna á hilluna.
Spánverjinn er þekktastur fyrir tíma sinn hjá Arsenal, þar sem hann lék frá 2013 til 2019. Hann vann þrjá bikarmeistaratitla með félaginu.
Hinn 36 ára gamli Monreal lék aðallega sem vinstri bakvörður.
Auk þess að spila með Arsenal lék Monreal með Osasuna, Malaga og Real Sociedad á meistaraflokksferli sínum.
Kappinn náði að afreka það að leika 22 A-landsleiki fyrir hönd Spánar. Í þeim skoraði hann eitt mark.