Systir Cristiano Ronaldo hefur látið í sér heyra eftir ummæli forseta Real Madrid, Florentino Perez, fyrir helgi.

Perez var spurður út í hvort það væri möguleiki fyrir Real að næla aftur í Ronaldo sem hefur reynt að komast burt frá Manchester United í allt sumar.

Það eru fá félög sem geta borgað laun Ronaldo eða þá hafa áhuga á að fá þennan 37 ára gamla leikmann í sínar raðir.

,,Ronaldo? Aftur? Hann er 38 ára gamall!“ sagði Perez er hann var spurður út í mögulega komu leikmannsins.

Þessi ummæli fóru virkilega illa í systur Ronaldo sem svaraði fyrir bróður sinn á samskiptamiðlum.

,,Hann er 38 ára gamll en hann getur hoppað tvo metra og verið í loftinu í þrjár mínútur. Líkaminn hans er með enga fitu,“ sagði Katia Aveiro sem er systir leikmannsins.

,,Sýndu sjálfum þér virðingu, þú ert 75 ára gamall,“ bætti hún við.

Ronaldo lék með Manchester United í gær er liðið tapaði 4-0 gegn Brentford og sá aldrei til sólar í þeim leik.

Enski boltinn á 433 er í boði