Frank Lampard, stjóri Everton, var í sambandi við Steven Gerrard er hann tók við liðinu af Rafael Benitez á síðustu leiktíð.
Lampard segir sjálfur frá þessu en Gerrard er stjóri Aston Villa og eru þetta tveir fyrrum samherjar í enska landsliðinu.
Það var ýmislegt rætt þeirra á milli en aðallega leikmaðurinn Nathan Patterson sem kom til Everton í janúar.
Patterson spilaði áður með Rangers þar sem Gerrard vann áður og vildi Lampard heyra í vini sínum og fá hans ráð og skoðun.
Patterson er tvítugur bakvörður en hefur aðeins spilað einn leik með Everton sem kom í deildinni á síðasta tímabili.
,,Við sendum hvor öðrum skilaboð og hittumst nokkrum sinnum og ræddum um störfin,“ sagði Lampard en þeir eru báðir tiltölulega nýir þjálfarar.
,,Öll störf eru mismunandi og við fórum ekki út í nein smáatriði. Ég ræddi við hann þegar ég tók við og líka varðandi hans reynslu af Nathan Patterson því ég vildi fá hans skoðun.“
,,Ég virði orð Stevie og hans skoðanir á fótbolta og þegar kemur að öðru.“
