Marko Arnautovic, leikmaður Bologna, var í gær spurður út í áhuga Manchester United í sumar en félagið horfði til hans í vikunni.

Bologna hefur þó engan áhuga á að selja Arnautovic sem er 33 ára gamall og stóð sig vel í Serie A á síðustu leiktíð.

Austurríkismaðurinn vildi ekki tjá sig of mikið um sögusagnirnar en er aðeins einbeittur að Bologna.

Arnautovic þekkir vel til Englands og lék áður með West Ham og Stoke þar í landi.

,,Markaðurinn er eins og hann er. Ég hef verið í fótboltanum í mörg ár og ég veit að það eru félög sem sýna áhuga,“ sagði Arnautovic.

,,Í dag er ég hins vegar algjörlega einbeittur að Bologna.“

Enski boltinn á 433 er í boði