Spænska kvennalandsliðið hefur orðið fyrir miklu áfalli aðeins nokkrum dögum fyrir fyrsta leik liðsins á Evrópumótinu í knattspyrnu.
Besti leikmaður liðsins, Aleixa Putellas sleit krossband á æfingu með liðinu og mun ekki taka þátt í lokakeppni Evrópumótsins sem hefst í dag.
Putellas er á mála hjá Barcelona og er ein allra besta knattspyrnukona heims. Hún er til að mynda handhafi Ballon d’Or.
Spænska liðið er talið með þeim sigurstranglegri, ef ekki það sigurstranglegasta, á mótinu í Englandi. Það verður áhugavert að sjá hvernig liðinu tekst til án Putellas.
Putellas mun nú fara í endurhæfingu sem mun taka marga mánuði.
Spánn hefur leik á EM á föstudag. Þá verður Finnland andstæðingurinn.