Það hefur verið mikill rígur á milli Manchester City og Liverpool undanfarin tvö ár en þau hafa verið tvö bestu lið Englands.

Man City fagnaði sigri í ensku úrvalsdeildinni í vetur og komst Liverpool í úrslit Meistaradeildarinnar en tapaði þar gegn Real Madrid.

Það hefur engin áhrif á þá Virgil van Dijk og Kevin de Bruyne sem eru fínustu vinir og skemmta sér nú saman á Ibiza og voru þar um helgina.

Myndir af De Bruyne og Van Dijk birtust í gær en þar má sjá þá með tónlistarmanninum fræga Calvin Harris sem hélt tónleika.

Tónleikarnir fóru fram á strönd á Ibiza og eyddu þeir félagarnir ófáum klukkutímum saman í góðum gír.