Manchester United er staðráðið í því að Cristiano Ronaldo sé ekki til sölu í sumar og er ekki fáanlegur.
Þetta kemur fram í frétt Sky Sports en í gær var greint frá því að Ronaldo væri að leitast eftir því að fara.
Það er vilji Ronaldo að spila í Meistaradeildinni en ekki Evrópudeildinni en Man Utd hafnaði úí sjötta sæti á síðustu leiktíð.
Ronaldo og Man Utd eru ekki á sömu blaðsíðu samkvæmt Sky og vill enska félagið ekki losna við Portúgalann.
Hann er einfaldlega ekki til sölu og á eitt ár eftir af samningi sínum eftir að hafa komið aftur til félagsins í fyrra.
Ronaldo skoraði 24 mörk í 38 leikjum fyrir Man Utd á síðustu leiktíð og var þeirra markahæsti maður.
