Stórstjörnurnar Neymar og Gabriel Jesus eru með nánast sama húðflúr á kálfanum en þeir eru báðir frá Brasilíu og var æskan erfið.
Það var alltaf draumur Neymar og Jesus að verða knattspyrnumenn og er óhætt að segja að sá draumur hafi ræst.
Neymar spilar í dag með liði Paris Saint-Germain í Frakklandi og er einn launahæsti leikmaður heims á meðan Jesus er að skrifa undir hjá Arsenal en er samningsbundinn Manchester City.
Leikmennirnir tveir eru með nánast sama húðflúr á fótleggnum en þar má sjá smástrák með derhúfu og með fótbolta í hönd.
Líklegt er að myndin sé teiknuð út frá Mogi das Cruzes en þar ólst Neymar upp og spilaði knattspyrnu alla daga sem og kvöld.
Jesus og Neymar eru góðir vinir í dag og eru saman í brasilíska landsliðinu og hafa verið í dágóðan tíma. Þeir fengu sér húðflúrið fyrir Ólympíuleikana árið 2016.
Það er talað um að þetta húðflúr standi fyrir ‘drauminn’ sem margir ungir knattspyrnumenn geta tengt við.
Bæði Jesus og Neymar koma frá Sao Paulo í Brasilíu og upplifðu mjög svipaða æsku.
Mynd af húðflúrunum báðum má sjá hér fyrir neðan.