ÍBV 3 – 2 Valur
1-0 Halldór Jón Sigurður Þórðarson (’30)
2-0 Halldór Jón Sigurður Þórðarson (’61)
2-1 Aron Jóhannsson (’75)
2-2 Aron Jóhannsson (’78)
3-2 Halldór Jón Sigurður Þórðarson (’90)
Það fór fram ótrúlegur leikur í Bestu deild karla í kvöld er ÍBV og Valur áttust við í Eyjum.
ÍBV hafði ekki unnið leik fyrir viðureign kvöldsins en loksins, loksins varð breyting á því.
Halldór Jón Sigurður Þórðarson skoraði fyrstu tvö mörk ÍBV í kvöld en eitt af þeim kom í fyrri og það seinna í seinni hálfleik.
Aron Jóhannsson minnti í kjölfarið á sig fyrir Valsmenn og skoraði tvö mörk með stuttu millibili til að jafna metin. Hann hafði komið inná sem varamaður á 57. mínútu.
Það stefndi allt í jafntefli en ÍBV fékk vítaspyrnu á 89. mínútu sem Felix Örn Friðriksson klikkaði á, Fredrik Schram varði spyrnuna.
Aðeins einni mínútu síðar komust Eyjamenn svo yfir á ný er Halldór var aftur á ferðinni og skoraði sitt þriðja mark.
Það dugði til sigurs í dag en ÍBV er nú loksins búið að vinna leik eftir 13 umferðir.