Eftir ágæta frammistöðu landsliðsins gegn Albaníu í gær í Þjóðadeildinni er mest rætt um Albert Guðmundsson og þá staðreynd að hann var ónotaður varamaður.
Albert var eining á bekknum í fyrstu umferð gegn Ísrael en kom þá við sögu undir lok leiks. Fyrir verkefnið var búist við að Albert yrði í lykilhlutverki
Rætt var um málið í hlaðvarpsþættinum Dr. Football í dag. „Þetta er frændi þinn og það vita það allir, af hverju er ekki hægt að nota Albert?,“ sagði Hjörvar Hafliðason og ræddi þar við sparkspekinginn, Albert Brynjar Ingason sem er náskyldur nafna sínum.
„Tökum það aðeins í burtu að hann sé frændi minn, við töluðum um það fyrir nokkrum að þetta væri hæfileikaríkasti leikmaðurinn sem við höfum og er stærsta nafnið. 110 leikir í hollensku úrvalsdeildinni, vinna titil þar og spila svo í Seriu A,“ sagði Albert Brynjar í Dr. Football.
„Ég get ekki bara ekki skilið að hann sé ekki að spila, það eru fimm gæjar sem koma inn á undan honum í þessum leik. Hann hentaði ekki í þetta verkefnið á móti Ísrael, sem við ætluðum að liggja til baka og þurftum vera target senter. Af hverju hentaði hann í 2-1 yfir?,“ sagði Albert.
Mikael Egill Ellertsson kantmaður SPAL kom við sögu í leiknum en ekki Albert. „Við vorum með yfirhöndina núna, við settum Mikael á kantinn en af hverju setti hann ekki Albert inn?.“
„Það er alltaf talað um að hann sé lúxus leikmaður, sáu menn leik með Genoa? Það var bara harka þar, öll þessi jafntefli voru bara hlaup.“
Hjörvar Hafliðason spurði þá Albert út í það vort ekkert væri Alberti að kenna. „Er ekkert honum sjálfum að kenna?,“ sagði Hjörvar.
Albert var fljótur til svars. „Ég hefði viljað sjá meira end product, fleiri mörk. Hann á alltaf að vera í þessu liði, Albert er með 30 leiki og 9 mörk. Það er ótrúlegt að hann hafi ekki fundið pláss fyrir hann, Arnar veit best. Þetta er gæi sem þjálfari er með 19 leiki og 3 sigra. Tvo sigra gegn Liechtenstein og einn gegn Færeyjum,“ sagði Albert og skaut þar fösttum skotum á árangurs Íslands undir stjórn Arnars.
Albert hefur ekkert náð á frænda sinn eftir leik. „Ég veit að það sýður á mínum manni, hann hefur ekki viljað tala við mig. Ég kaupi það bara ekki, það hlýtur eitthvað að hafa komið upp á,“ sagði Albert Brynjar.
