Lögmenn Cristiano Ronaldo höfðar nú skaðabótamál fyrir hönd hans í Las Vegas eftir að dómari vísaði frá kærumáli vegna nauðgunar.
Kathryn Mayorga sakaði Ronaldo um að hafa nauðgað sér árið 2009, atvikið á að hafa átt sér stað í Las Vegas. Þar var Ronaldo í sumarfríi með vinum sínum áður en hann samdi við Real Madrid og varð dýrasti knattspyrnumaður í heimi. ,,Ég snéri mér frá honum, hann reif í nærbuxurnar mínar. Ég reyndi að fara í burtu og hélt fyrir leggöngin mín. Hann stökk á mig,“ sagði Mayorga meðal annars.
Mayorga heldur því fram að Ronaldo hafi nauðgað sér í endaþarminn, án smokks og ekki notað sleipiefni. ,
,,Eftir að hann nauðgaði mér, þá leyfði hann mér ekki að fara. Hann kallaði mig elskuna sína, hann baðst afsökunar. Hann sagðist vera góður strákur fyrir utan eitt prósent.“
Eftir að málinu var vísað frá vill Ronaldo að bandarískur dómari láti lögmann Mayorga greiða sér 84 milljónir króna. Í kröfunni segir að Leslie Mark Stovall lögmaður Mayorga eigi að vera ábyrg fyrir bótunum.
Málin var vísað frá 10 júní vegna þess að Leslie Mark Stovall notaði ólögleg sönnungargön í málinu sem voru stolin eða var lekið til hennar. Mayorga getur ekki kært Ronaldo aftur vegna þess.
Ronaldo hefur alltaf neitað sök en það eina sem er ljóst er að hann greiddi Mayorga 375 þúsund dollara til að segja ekki orð um kvöldið.
