Barcelona er ítrekað að reyna að landa framherjanum Robert Lewandowski sem spilar með Bayern Munchen.
Barcelona hefur reynt og reynt í sumar en án árangurs þar sem Bayern vill ekki losa leikmanninn sem vill sjálfur komast burt.
Í kvöld birtust heldur betur athyglisverðar myndir af Lewandowski og Xavi, stjóra spænska stórliðsins.
Xavi og Lewandowski hittust á veitingastað á Ibiza og fóru þar væntanlega yfir ýmis mál og hvernig væri hægt að koma skiptunum í gegn.
Lewandowski vill mikið spila fyrir Börsunga en hann hefur leikið í Þýskalandi í mörg ár og vill prófa nýtt land.
,,Svikari,“ skrifa stuðningsmenn Bayern við myndirnar sem má sjá hér fyrir neðan.
Robert Lewandowski and Xavi in a restaurant in Ibiza https://t.co/zxWf0pGA88
— Bayern & Germany (@iMiaSanMia) June 29, 2022