Tanya Bardsley eiginkona Phil Bardsley í enska boltanum segist stunda kynlíf með eiginmanni sínum á hverjum degi til að passa að hann sofi ekki hjá öðrum konum.
Tanya er fertug en Bardsley er 36 ára gamall en hann er án félags eftir að samningur hans við Burnley rann út. Bardsley ólst upp hjá Manchester United.
„Ég er ennþá mjög skotin í Phil, mér finnst hann huggulegri en þegar ég hitti hann,“ sagði Tanya í viðtali sem Daily Star birti í gær.
„Ég hef alið hann vel upp, mamma sagði mér alltaf að hugsa vel um manninn minn því annars myndi einhver önnur kona gera það. Þetta er eins og að vökva garðinn sinn.“
View this post on Instagram
„Sumir gera þetta ekki reglulega og það er í lagi. Ef við erum ekki að stunda kynlíf þá erum við bara eins og vinir. Ég hefði áhyggjur ef við værum ekki að stunda kynlíf alla daga.“
„Þetta er stundum erfitt með börnin, við náum þessu samt á hverjum degi. Við grípum tækifærið þegar það gefst. Ég skipa honum að vera snöggur og þá tekur þetta kannski bara tvær mínútur. Við erum með hús á fjórum hæðum og það er auðvelt að lauma sér í smá frið.“
Enski boltinn á 433 er í boði 
