Samúel Kári Friðjónsson komst á blað fyrir Viking í dag sem spilaði við Haugesund í norsku úrvalsdeildinni.
Samúel skoraði annað mark Viking úr vítaspyrnu á 20. mínútu og kom þar liðinu í 2-1.
Haugesund átti hins vegar eftir að bæta við þremur mörkum þar sem Viking spilaði manni færri alveg frá 12. mínútu.
Patrik Gunnarsson var í marki Viking í leiknum og fékk á sig fjögur mörk að þessu sinni.
Viking hefur tapað þremur leikjum í röð og er í þriðja sætinu, sex stigum frá toppliði Lilleström.