Liverpool hefur engan áhuga á að semja aftur við miðjumanninn Georginio Wijnaldum sem er líklega á förum frá PSG í sumar.
Þetta segir blaðamaðurinn virti Fabrizio Romano en Wijnaldum hefur verið orðaður við endurkomu.
Wijnaldum samdi við PSG í fyrra frá Liverpool en hann lék með enska félaginu í fimm ár frá 2016 til 2021.
Á hans fyrsta tímabili spilaði Hollendingurinn 38 leiki í öllum keppnum og skoraði þrjú mörk.
Stuðningsmenn Liverpool eru margir hrifnir af Wijnaldum og vonuðust eftir því að félagið myndi reyna að næla í hann á ný.
Samkvæmt Romano verður það hins vegar ekki raunin og gæti hann haldið áfram í Frakklandi á næsta tímabili.
