Manchester United hefur bæst í kapphlaupið um Lisandro Martinez, varnarmann Ajax. Mirror segir frá.
Þessi 24 ára gamli Argentínumaður hefur verið sterklega orðaður við Arsenal undanfarið.
Það sem gæti gefið Man Utd forskot í baráttunni um leikmanninn er það að Erik ten Hag, stjóri Man Utd, hefur þjálfað Martinez undanfarin þrjú tímabil hjá Ajax.
Ten Hag er nýtekinn við sem stjóri Man Utd eftir gott gengi í Hollandi.
Hans bíður stórt verkefni á Old Trafford. Ætlar hann sér að byggja upp nýtt lið eftir vonbrigði á síðustu leiktíð. Þá hafnaði Man Utd í sjötta sæti deildarinnar. Liðið þarf því að láta sér það að góðu verða að spila í Evrópudeildinni á næstu leiktíð.