Sigurður Pálsson framkvæmdarstjóri knattspyrnudeildar Vals veit ekki til þess að þjálfarabreytingar séu fyrirhugaðar í meistaraflokki karla hjá Val.
Framtíð Heimis Guðjónssonar þjálfara Vals hefur verið til umræðu eftir tap gegn Fram á sunnudag í Bestu deildinni. Um var að ræða fjórða tap Vals í röð.
Börkur Edvardsson formaður knattspyrnudeildar Vals er erlendis og hefur ekki látið ná í sig.
„Nei, ekki mér vitanlega,“ sagði Sigurður í samtali við 433.is þegar spurt var út í þjálfaramálin.
„Þjálfaramálin eru á höndum stjórnar, ég hef ekkert heyrt í Berki nýlega. Hann er í fríi, Heimir er bara okkar þjálfari eins og staðan er í dag,“ sagði Sigurður.