Blaðamaðurinn Eiríkur Jónsson slær fram vinsælustu kjaftasögu Íslands í dag en hún á rætur sína að rekja til Hlíðarenda.
Eiríkur segist hafa staðfestar heimildir fyrir því að Heimir Guðjónsson verði rekinn sem þjálfari Vals og Heimir Hallgrímsson taki við. Segir Eiríkur að allt þetta muni gerast á föstudag.
„Heimur Guðjónsson þjálfari Vals í meistaraflokki í knattspyrnu verður rekinn á föstudaginn og Heimir Hallgrímsson fyrrum landsliðþjálfari tekur við. Svo herma áreiðanlegar heimildir,“ skrifar Eiríkur á heimasíðu sinni.
Valur hefur tapað fjórum leikjum í röð í Bestu deildinni og bikar og hefur framtíð Heimis Guðjónssonar verið til umræður.
Heimir er á sínu þriðja tímabili með Val en þessi sigursæli þjálfari gerði liðið að Íslandsmeisturum árið 2020.