Samkvæmt Matt Law, virtum blaðamanni Telegraph, hefur West Ham sætt sig við að Declan Rice yfirgefi félagið næsta sumar. Þá segir hann jafnframt að Hamrarnir hafi sett verðmiða á fyrirliðann.
Rice er aðeins 23 ára gamall en hefur verið algjör lykilmaður hjá West Ham undanfarin ár þrátt fyrir það.
Hann hefur reglulega verið orðaður við stærri félög á Englandi, eins og Chelsea og Manchester United, fyrir háar fjárhæðir. Hingað til hefur West Ham neitað að selja.
Nú á Rice hins vegar aðeins um eitt og hálft ár eftir af samningi sínum við West Ham og sætti félagið sig því við að selja hann næsta sumar til að fá summu fyrir hann.
Samkvæmt Law mun West Ham biðja um 70 milljónir punda, vilji önnur félög tryggja sér þjónustu leikmannsins.
Þessa stundina er Rice staddur með enska landsliðinu á Heimsmeistaramótinu í Katar.
