fbpx
Fimmtudagur 26.janúar 2023
433Sport

KSÍ gefur út yfirlýsingu eftir fréttir dagsins – „Utanríkisráðuneytið sá ekkert athugavert við fyrirhugað samstarf“

Helgi Sigurðsson
Mánudaginn 28. nóvember 2022 15:54

Vanda Sigurgeirsdóttir, formaður KSÍ.

Ekki missa af Helstu tíðindum dagsins í pósthólfið þitt

Lesa nánar

Knattspyrnusamband Íslands hefur gefið út yfirlýsingu í kjölfar þess að utanríkisráðuneytið sagðist hafi ekki gefið grænt ljós á vináttulandsleik karlaliðs Íslands við Sádi-Arabíu fyrr í þessum mánuði.

Þetta sagði ráðuneytið í svari við fyrirspurn Stundarinnar.

KSÍ hefur verið harðlega gagnrýnt fyrir ákvörðun sína um að taka boði Sádi-Araba um að leika við þá landsleik, þar með hafi sambandið tekið þátt í miklum íþrótta hvítþvotti enda er orspor Sádi-Arabíu hvað mannréttindi varðar alls ekki gott.

Utanríkisráðuneytið segist hafa fengið fyrirspurn frá KSÍ sem sneri að mögulegu samstarfi KSÍ við Sádi-Arabíu um uppbyggingu kvennaknattspyrnu í Sádi-Arabíu en ekki að umræddum vináttulandsleik.

Það er þvert á það sem formaður sambandsins, Vanda Sigurgeirsdóttir hélt fram í viðtali við Vísi í júní fyrr á þessu ári.

,,Við heyrðum í utanríkisráðuneytið á sínum tíma til að vita hvort að þar væri talið að eitthvað mælti gegn því að við spiluðum þennan leik. Svo var ekki,“ sagði Vanda við Vísi.

Yfirlýsing KSÍ
Varðandi samskipti KSÍ við utanríkisráðuneytið vill sambandið koma því á framfæri að haustið 2021 hófust samskipti KSÍ við Knattspyrnusamband Sádi-Arabíu þar sem ræddar voru hugmyndir um samstarf. Hugmyndirnar voru í mörgum liðum og snerust allar um að skiptast á þekkingu og fræðslu um uppbyggingu knattspyrnu, allt frá starfsemi og rekstri knattspyrnusambanda yfir í réttindamál, sem og grasrótarstarf, kvennaknattspyrnu og afreksstarf. Einnig var rætt um mögulegan vináttuleik milli landsliða þjóðanna í janúar 2022.

Í kjölfarið hafði KSÍ samband við utanríkisráðuneytið til að afla upplýsinga og ráðgjafar vegna stöðu mannréttindamála í Sádi-Arabíu. Utanríkisráðuneytið svaraði og sá ekkert athugavert við fyrirhugað samstarf eða fyrirhugaðan landsleik. Ekki varð þó af þessu samstarfi og ekki varð af janúar-leiknum.

Í vor barst svo beiðni frá Knattspyrnusambandi Sádi-Arabíu um vináttuleik þjóðanna í nóvember. KSÍ leitaði ekki eftir áliti utanríkisráðuneytisins vegna þess leiks – því svarið lá fyrir þegar halda átti leik í janúar. Í svari formanns KSÍ í viðtali við Vísi frá því í júní á þessu ári, sem vitnað hefur verið til í fréttum fjölmiðla, er formaðurinn að vísa til þeirra gagna sem lágu fyrir. Í svari utanríkisráðuneytisins kom fram að „ráðuneytið sjái ekkert athugavert við gerð slíks samnings, sem hefur það að leiðarljósi að stofna til samstarfs um leiki milli landsliða í knattspyrnu sem um ræðir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 6 klukkutímum

Æfði ekki í dag í skugga sögusagna

Æfði ekki í dag í skugga sögusagna
433Sport
Fyrir 7 klukkutímum

Mikael Egill heldur til Venezia

Mikael Egill heldur til Venezia
433Sport
Fyrir 9 klukkutímum

Hvað þýða ný tíðindi frá UEFA fyrir landsliðið? – Hitapylsan gæti snúið aftur

Hvað þýða ný tíðindi frá UEFA fyrir landsliðið? – Hitapylsan gæti snúið aftur
433Sport
Fyrir 10 klukkutímum

Shakira verður allt annað en sátt með nýjasta athæfi Pique

Shakira verður allt annað en sátt með nýjasta athæfi Pique
433Sport
Fyrir 14 klukkutímum

Ten Hag brjálaðist út í eigin leikmann í gær – Ástæðan opinberuð

Ten Hag brjálaðist út í eigin leikmann í gær – Ástæðan opinberuð
433Sport
Fyrir 14 klukkutímum

Þetta eru verðmætustu félögin – Manchester United langefst

Þetta eru verðmætustu félögin – Manchester United langefst
433Sport
Í gær

Zlatan les nýkrýndu heimsmeisturunum pistilinn – „Merki þess að þú munt aðeins vinna einu sinni“

Zlatan les nýkrýndu heimsmeisturunum pistilinn – „Merki þess að þú munt aðeins vinna einu sinni“
433Sport
Í gær

Einn sá besti furðu lostinn yfir hæfileikum Bale á nýju sviði – „Er bara ekki sann­gjarnt“

Einn sá besti furðu lostinn yfir hæfileikum Bale á nýju sviði – „Er bara ekki sann­gjarnt“