Hasan Cetinkaya, fyrrum forseti Fenerbahce í Tyrklandi, segist vita hvert Eden Hazard mun halda er hann yfirgefur lið Real Madrid.
Hazard hefur ekki sýnt sitt rétta andlit undanfarin þrjú ár síðan hann kom til Real frá Chelsea þar sem hann var magnaður.
Cetinkaya þekkir vel til Hazard og reyndi á sínum tíma að fá hann til Fenerbahce og sýndi Belginn hugmyndinni mikinn áhuga.
Hazard lék með Lille á þessum tíma en þá voru nokkrir leikmenn liðsins á óskalista sterkustu liða Evrópu.
Cetinkaya telur að Hazard muni spila fyrir Fenerbahce einn daginn en hann gæti vel verið á förum frá Real á næsta ári.
,,Hann var 16 ára gamall og spilaði með Lille, þeir voru með hann og Gervinho og Moussa Sow. Við gátum aðeins fengið Sow til okkar,“ sagði Cetinkaya.
,,Hazard komst svo í annan gæðaflokk og var einn besti leikmaður Evrópu sem ég vildi alltaf sjá gerast. Tíminn mun leiða það í ljós en Eden Hazard mun einn daginn spila fyrir Fenerbahce.“
