Raheem Sterling, leikmaður Englands, er einn af þeim sem elska gagnrýni og spilar betur þegar fólk er að skjóta á hann og hans frammistöðu.

Sterling segir sjálfur frá þessu en hann mun spila með enska landsliðinu á HM í Katar síðar í þessum mánuði.

Sterling hefur oft þurft að heyra alls konar gagnrýni á sínum ferli og sérstaklega er hann skipti yfir til Manchester City frá Liverpool.

,,Það sem gerði mig að þeirri manneskju sem ég er í dag er mótlætið, ég get ekki gert þetta og ég get ekki gert hitt. Ég er ekki nógu góður. Svona hlutir koma mér í gang,“ sagði Sterling.

Sterling spilar í dag með Chelsea og hefur fengið töluverða gagnrýni fyrir frammistöðu sína þar á tímabilinu.

Margir hafa tjáð sína skoðun og segja Sterling ekki eiga skilið sæti í landsliðshópnum en hann tekur því með opnum örmum.

Enski boltinn á 433 er í boði