fbpx
Fimmtudagur 08.desember 2022
433Sport

Pandóru box opnaðist í Laugardal – „Þær séu alltaf að berjast, rífast og væla eins og þetta er orðað“

433
Sunnudaginn 13. nóvember 2022 09:00

Ekki missa af Helstu tíðindum dagsins í pósthólfið þitt

Lesa nánar

Það var af nægu að taka í Íþróttavikunni með Benna Bó sem var á dagskrá Hringbrautar á föstudagskvöld. Hörður Snævar Jónsson, íþróttastjóri Torgs og Tómas Þór Þórðarson, ritstjóri enska boltans hjá Símanum voru gestir þáttarins.

Í þættinum var meðal annars ræddur vandræðagangur KSÍ en hvert stóra málið á fætur öðru virðist skella á sambandinu um þessar mundir.

,,Ég hef aldrei komið hingað án þess að KSÍ sé einhvern veginn með leðjuna upp á bak,“ segir Tómas Þór er Benedikt Bóas, þáttastjórnandi Íþróttavikunnar beinir sjónum sínum að KSÍ.

Í nýliðinni viku komust mál tengd mögulegum kveðjustundum landsliðsfólks og ósamræmi á milli heiðursviðurkenninga karla- og kvennalandsliða upp á yfirborðið.

Dagný Brynjarsdóttir, leikmaður kvennalandsliðsins opnaði umræðna með því að spyrja hvar sérmerkta landsliðstreyja sín og Glódísar fyrir að hafa náð 100 A-landsleikjum væri eftir að mynd af Aroni Einari Gunnarssyni, landsliðsfyrirliða með eina slíka birtist á samfélagsmiðlum KSÍ.

,,Búningastjóri karlalandsliðsins, Kiddi vallarstjóri er fótboltaunnandi. Þessar sérmerktu treyjur, þetta er vel þekkt í heimi atvinnumannafótboltans. Þegar að menn leika 100, 200, 300 leiki þá fá þeir treyju,“ sagði Hörður Snævar.

Kiddi taki þetta upp hjá sjálfum sér.

,,Kristbjörg Ingadóttir, búningastjóri kvennalandsliðsins er kannski ekki að pæla í því í september síðastliðnum hvort Birkir Már Sævarsson hafi fengið sérmerkta treyju.

Svo springur allt út núna. Þetta er ekkert vandamál og KSÍ útskýrði þetta mjög vel. Svo eru önnur mál sem má tækla betur, til að mynda í tengslum við Margréti Láru og Guðbjörgu Gunnarsdóttur.“

Tómas Þór segir kjarnann í þessu máli hins vegar vera þann að þarna sjáist hin eilífa barátta leikmanna kvennalandsliðsins fyrir öllu sínu.

,,Þær séu alltaf að berjast, rífast og væla eins og þetta er orðað þegar þær fara af stað fyrir öllu sem þær vilja fá.

Þetta er alveg rétt sem að Höddi segir en samt sem áður segir Vanda í þessum Facebook pistli sínum að búningastjóri kvennalandsliðsins hefði átt að fá að vita af þessu. Nú er þetta bara orðið normið. Samt sem áður er þetta í raun og veru ekkert mál.“

Málin sem hafi komið í kjölfarið, er varðaði kveðjustundir og heiðursviðurkenningar leikmanna kvennalandsliðsins sem höfðu ekki borist, séu hins vegar stórmál.

,,Margrét Lára ekki kvödd. Það kom á daginn að hún var búin að vera í sambandi við KSÍ um þetta, hún fékk ekki einu sinni svör.

Guðbjörg Gunnarsdóttir, það er langt síðan hún hætti í landsliðinu og hún hefur ekki enn fengið styttuna sína fyrir að hafa leikið 50 A-landsleiki. Það viðurkenndi KSÍ og hún á núna að fá styttuna í jólagjöf eða skóinn.“

Þrátt fyrir að upphaflega atriði hafi kannski ekki verið KSÍ að kenna þá opnaði það ákveðið pandóru box á það hvernig leikmenn kvennalandsliðsins þurfi oftar en ekki að rífast og klóra sig áfram.

Nánari umræðu um KSÍ má sjá hér fyrir neðan.

video
play-sharp-fill
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 14 klukkutímum

Segist hafa verið ömurlegur á HM – ,,Frammistaða mín var stórslys“

Segist hafa verið ömurlegur á HM – ,,Frammistaða mín var stórslys“
433Sport
Fyrir 16 klukkutímum

Endrick endar í spænsku höfuðborginni

Endrick endar í spænsku höfuðborginni
433Sport
Fyrir 16 klukkutímum

Svarar fjölmiðlamönnum og reynir að drepa þessa sögulínu

Svarar fjölmiðlamönnum og reynir að drepa þessa sögulínu
433Sport
Fyrir 18 klukkutímum

Stefán kveðst hafa lausnina eftir hörmungar gærdagsins

Stefán kveðst hafa lausnina eftir hörmungar gærdagsins
433Sport
Fyrir 19 klukkutímum

Breiðablik staðfestir kaup sín á Ágústi

Breiðablik staðfestir kaup sín á Ágústi
433Sport
Fyrir 21 klukkutímum

Hazard leggur belgísku skóna á hilluna

Hazard leggur belgísku skóna á hilluna
433Sport
Fyrir 21 klukkutímum

Atvikið sem fór framhjá íslensku þjóðinni í gær – Sjáðu fréttamann RÚV standa upp í beinni og öskra

Atvikið sem fór framhjá íslensku þjóðinni í gær – Sjáðu fréttamann RÚV standa upp í beinni og öskra
433Sport
Fyrir 23 klukkutímum

Ítrekar að Liverpool sé í sterkri stöðu – Fyrsti kostur fjölskyldu hans

Ítrekar að Liverpool sé í sterkri stöðu – Fyrsti kostur fjölskyldu hans
433Sport
Fyrir 23 klukkutímum

Ronaldo rýfur þögnina eftir óvænta atburði gærkvöldsins

Ronaldo rýfur þögnina eftir óvænta atburði gærkvöldsins