Tottenham er búið að tryggja sér farseðilinn í 16-liða úrslit Meistaradeildarinnar eftir leik við Marseille í kvöld.
Tottenham fer áfram ásamt Eintracht Frankfurt sem vann lið Sporting 2-1 á útivelli.
Tottenham vann leikinn 2-1 í Frakklandi í kvöld eftir að Marseille hafði komist yfir með marki Chancel Mbemba.
Þeir Clement Lenglet og Pierre Emile Hojbjerg tryggðu Tottenham svo stigin þrjú en jafntefli hefði dugað liðinu.
Grétar Rafn Steinsson, yfirmaður knattspyrnumála Tottenham, sat í stúkunni í kvöld ásamt Antonio Conte stjóra liðsins sem var í banni.
,,Verða mögulega langar 90 mín hjá Grétari, þarf að hlusta á tuðið í Conte allan leikinn,“ skrifar Jóhann Már Helgason á Twitter í skemmtilegri færslu er hann bendir á þá félaga á leiknum.
Verða mögulega langar 90 mín hjá Grétari, þarf að hlusta á tuðið í Conte allan leikinn. pic.twitter.com/GGJQJqhrGC
— Jóhann Már Helgason (@Joimar) November 1, 2022