Liverpool vill kaupa Jude Bellingham, miðjumann Dortmund, næsta sumar og gera hann að aðalmanninum hjá félaginu. BILD segir frá.
Hinn 19 ára gamli Bellingham verður hvað eftirsóttasti leikmaður heims næsta sumar og mun alls ekki fara ódýrt.
Englendingurinn ungi hefur verið orðaður við flest af stærstu félögum Evrópu, þar á meðal Liverpool.
„Þau félög sem hafa mestan áhuga á Bellingham eru Manchester City, Liverpool, Chelsea og Real Madrid. Þau eru öll að undirbúa tilboð,“ segir Yannick Hubert á BILD.
Bellingham er lykilmaður hjá Dortmund þrátt fyrir ungan aldur.
„Við vitum núna að Liverpool er til í að borga hundrað milljónir evra fyrir hann. Það yrði klárlega næsta sumar. Þeir vilja gera hann að andliti Liverpool.
Það er samt ólíklegt að hundrað milljónir evra munu duga því Chelsea, City og Madrid geta gert meira fjárhagslega.“
