Antony sem er nýjasti leikmaður Manchester Untied fór ekki eftir þeim skipunum sem Erik Ten Hag stjóri liðsins hafði lagt fyrir hann. Um er að ræða skipanir fyrir leik gegn Manchester City á sunnudag.
Ensk blöð fjalla um málið og segja að á hverri einustu æfingu frá komu Antony til United hafi Ten Hag lagt mikla áherslu á varnarvinnu hans.
Fyrir leikinn gegn City var svo Antony minntur á það samkvæmt blöðunum að hann yrði að hjálpa Diogo Dalot að verjast sóknum City.
Antony virtist hins vegar oft ekki nenna að hjálpa bakverðinum sem lenti í miklu klandri.
Antony kostaði United 85,5 milljónir punda en hann skoraði fyrsta mark United í leiknum í 6-3 tapi. Ljóst er samkvæmt enskum blöðum að stjóri liðsins vill hins vegar að hlustað sé á sig.
