Greint var frá því um helgina að Jón Guðni Fjóluson gæti verið að ganga í raðir Víkings. Fjallað var um málið í hlaðvarpsþættinum Dr. Football.
Jón Guðni er samningsbundinn Hammarby í Svíþjóð út næstu leiktíð en hann hefur glímt við talsvert af meiðslum í herbúðum félagsins.
„Þetta er risastórt, gríðarlegur fengur fyrir Víkinga. Varnarlínan er aldrei að ná að spila saman undir lok tímabilsins,“ sagði Albert Brynjar.
Jón Guðni hefur ekkert spilað fótbolta í ár en hann sleit krossband á síðasta ári en nú stefnir í að hann komi heim
„Við sjáum það að þetta þarf að laga mest, þetta er skellur fyrir Framara og fá ekki sinn mann heim,“ sagði Albert en Fram seldi Jón Guðna í atvinnumennsku árið 2011.
Einnig kom fram í þættinum að Víkingur vill landa Matthíasi Vilhjálmssyni fyrirliða FH en samningur hans í Kaplakrika er á enda.
