Romelu Lukaku, leikmaður Inter Milan, virðist ekki vera að finna sig hjá félaginu eftir að hafa komið þangað í sumar.

Lukaku hefur farið hægt af stað á tímabilinu en hann var lánaður til Inter frá Chelsea stuttu eftir að hafa yfirgefið einmitt Inter.

Í fyrra var Lukaku keyptur til Chelsea á um 100 milljónir punda en eftir slakt gengi bað hann um að komast aftur til Ítalíu í sumar.

Lukaku fann sig ekki undir stjórn Thomas Tuchel hjá Chelsea en nú er nýr maður sem stjórnar, Graham Potter.

Enskir miðlar telja að Potter sé opinn fyrir því að gefa Lukaku annað tækifæri á Stamford Bridge en það væri ekki fyrr en á næstu leiktíð.

Potter ætlar sér að ræða við Belgann um framtíðina og er vel opinn fyrir því að hefja samstarf ef það hentar báðum aðilum.