Framtíð Kylian Mbappe er áfram í umræðunni. Leikmaðurinn er sagður ósáttur hjá Paris Saint-Germain og vilja fara.
Fréttirnar komu mikið á óvart þegar þær brutust út fyrr í vikunni. Mbappe skrifaði undir nýjan samning við snemma síðasta sumar. Töldu margir hann á leið til Real Madrid á frjálsri sölu. PSG bauð honum hins vegar himinnhá laun og aukin völd á bakvið tjöldin hjá félaginu.
Mbappe vill hins vegar meina að PSG hafi ekki staðið við þau loforð sem honum voru gefin við undirskrift í sumar. Félagið hafi til að mynda lofað því að fá inn framherja, sem stóðst ekki.
Samkvæmt L’Equipe telja Mbappe og hans fulltrúar að PSG sé ekki treystandi héðan í frá. Leikmaðurinn vill fara meira en nokkru sinni fyrr.
Heimildamaður PSG ræddi þá við L’Equipe um sóknarmanninn unga. „Einn daginn kemur hann á æfingasvæðið glaður, grínast og heilsar öllum. Næsta dag mætir hann svo án þess að segja orð, horfir ekki á neinn. Þetta hefur verið svona frá því í byrjun tímabils.“
