Luis Suarez hefur tjáð sig um um tímabilið áður en hann yfirgaf Barcelona og samdi við annað stórlið á Spáni, Atletico Madrid.
Suarez vildi aldrei kveðja Barcelona en félagið neyddi hann í raun að leita annað og var hann ekki hluti af framtíðarplönum liðsins.
Svipað gerðist með Lionel Messi, stórstjörnu liðsins, á þessum tíma en Börsungar voru í miklum fjárhagsvandræðum og þurftu að leita að lausnum.
Suarez skoraði 198 mörk í 283 leikjum fyrir Barcelona en árið 2020 var ljóst að framtíð hans væri ekki á Nou Camp.
,,Þetta særði mikið og við þurftum að ganga í gegnum ýmislegt. Við höfðum dottið úr leik í Meistaradeildinni gegn Bayern Munchen og allt var orðið flókið og sársaukafullt. Ekki bara vegna hvernig gekk heldur hvernig var komið fram við okkur,“ sagði Suarez.
,,Ég mætti á æfingar og þeir létu mig æfa frá hópnum. Ég þurfti að þjást og grét er ég kom heim vegna framkomunnar. Það var einnig talað um að þeir vildu láta Leo æfa utan hóps. Við upplifðum erfiða tíma. Þetta særði Leo líka. Ég hafði aldrei séð Messi gráta eins og hann gerði á þessum tíma.“
,,Ég vissi aldrei almennilega af hverju þetta átti sér stað en sem betur fer þá var ég ánægður hjá Atletico Madrid að lokum.“
