Það var baulað á Tanguy Ndombele er honum var skipt af velli í 3-1 sigri Tottenham gegn Morecambe í enska bikarnum í dag.
Stuðningsmenn Spurs voru ekki hrifnir af frammistöðu miðjumannsins og létu hann heyra það er hann gekk af velli.
Ndombele varð pirraður og í stað þess að setjast á varamannabekk Tottenham þá rauk hann beint inn í búningsklefa eftir að hafa verið tekinn af velli.
Ndombele booed off. Walks straight down the tunnel ⚽️#COYS #THFC pic.twitter.com/MO7y3fg2rX
— Chris Cowlin (@ChrisCowlin) January 9, 2022
Þetta hefur vakið hörð viðbrögð einhverra stuðningsmanna Tottenham. Sumir ganga svo langt að segja að hann eigi aldrei að fá að leika fyrir félagið aftur.
Ndombele kom til Tottenham frá Lyon árið 2019 en hefur ekki staðið undir væntingum.