Framherjinn Dusan Vlahovic hefur undanfarið verið orðaður við Arsenal. Miðað við nýjasta viðtal Daily Mirror við Mikel Arteta, stjóra Arsenal, vill hann ólmur fá Vlahovic til félagsins.
Vlahovic er aðeins 21 árs gamall en er þrátt fyrir það einn heitasti bitinn á markaðnum í dag.
Framherjinn hefur á þessari leiktíð skorað 18 mörk í 20 leikjum fyrir Fiorentina.
,,Við verðum að nota hvern félagaskiptaglugga til fulls ef við ætlum að þróa leikmannahóp okkar. Við erum meðvituð. Edu (yfirmaður knattspyrnumála) og hans lið eru að leggja hart að sér því við vitum hvað þarf að gera. Hvort sem við gerum það í janúar eða næsta sumar kemur í ljós,“ sagði Arteta.