Arsenal er að ganga frá kaupum á Matt Turner markverði New England Revolution en félagið borgar tæpar 6 milljónir punda fyrir kappann.

Turner er markvörður í landsliði Bandaríkjanna og hefur verið liðsfélagi Arnórs Ingva Traustasonar hjá New England.

Turner er 27 ára gamall en búist er við að hann skrifi undir hjá Arsenal á næstu dögum en gangi svo formlega í raðir félagsins í sumar.

Rúnar Alex Rúnarsson fær þar með aukna samkeppni en íslenski markvörðurinn er í eigu Arsenal. Hann er nú á láni hjá OH Leuven í Belgíu.

Búist er við að kaup Arsenal á Turner verði til þess að Bernd Leno yfirgefi félagið í sumar. Aaron Ramsdale er fyrsti kostur liðsins í markið.

Enski boltinn á 433 er í boði