Ef Hólmar Örn Eyjólfsson ætlar að snúa heim til Íslands hefur Valur áhuga á að fá krækja í þennan öfluga varnarmann. Heimir Guðjónsson þjálfari Vals staðfesti þetta í sjónvarpsþætti 433.is í gær.

„Ég hef talað við Hólmar, þegar ég þjálfaði FH þá kom hann og æfði hjá mér. Ég hringdi í hann og spurði hver staðan væri, hann lofaði að láta mig vita ef eitthvað myndi gerast,“ sagði Heimir í sjónvarpsþættinum.

Hann staðfesti einnig að félagið skoðaði það að fá inn vinstri bakvörð. Heimir reyndi að fá Böðvar Böðvarsson sem samdi að lokum við Trelleborg í Svíþjóð.

Hólmar gæti verið að yfirgefa Rosenborg en það hefur einnig Apollon Limassol á Kýpur.

Hólmar er 31 árs gamall og hefur átt farsælan 13 ára feril í atvinnumennsku.

Hólmar á að baki 19 A-landsleiki en hann tók þá ákvörðun á síðasta ári að hætta að gefa kost á sér í landsliðið.