José Mourinho, segist ekki vilja yfirgefa starf sitt sem knattspyrnustjóri Roma sem stendur. Hann segist vera ánægður á Ítalíu en hann hefur verið orðaður við knattspyrnustjórastöðuna hjá enska úrvalsdeildarfélaginu Everton.

,,Eins og staðan er núna myndi ég ekki vilja skipta út starfi mínu hér hjá Roma fyrir eitthvað annað, Ég lofaði Roma þremur árum og ég tel þetta vera gott verkefni fyrir mig“ sagði Mourinho í viðtali eftir leik Roma og Lecce í ítalska bikarnum í gærkvöldi.

Hann nýtur þess að vera hjá Roma þar sem hann segir að fólk treysti sér. ,,Ég gæti ekki verið ánægðari.“

Mourinho tók við Roma fyrir yfirstandandi tímabil eftir að hafa verið sagt upp störfum hjá Tottenham í apríl í fyrra.

Roma er sem stendur í 7. sæti ítölsku úrvalsdeildarinnar.