Breski miðillinn The Sun, greinir frá því í morgun að Cristiano Ronaldo, stjörnuleikmaður Manchester United, sé reiðubúinn að yfirgefa félagið í sumar fari svo að því mistakist að ná Meistaradeildarsæti.
Íþróttadeild The Sun, hefur heimildir fyrir því að fulltrúar Ronaldo hafi átt fund með Richard Arnold, verðandi framkvæmdarstjóra Manchester United í vikunni.
,,Fulltrúar Ronaldo eru áhyggjufullir yfir stöðu liðsins sem er sem stendur í 7. sæti ensku úrvalsdeildarinnar,“ segir í frétt The Sun.
Ronaldo verður 37 ára í næsta mánuði en telur sig geta spilað í að minnsta kosti 4-5 ár í viðbót. Hann vilji hins vegar enda feril sinn sem sigurvegari en Manchester United virðist ekki vera með lið þessa stundina sem getur barist um titla.
Enski boltinn á 433 er í boði 
