Gylfi Þór Sigurðsson knattspyrnumaður hjá Everton er laus gegn tryggingu hjá lögreglunni Í Bretlandi fram á sunnudag. Þannig má búast við því að um eða eftir helgi fari að draga til tíðinda í máli Gylfa.
Gylfi var handtekinn á heimili sínu Í Bretlandi um miðjan júlí, rannsakar lögreglan í Manchester nú hvort Gylfi hafi brotið gegn ólögráða einstaklingi.
Gylfi hefur frá handtöku verið laus gegn tryggingu en um miðjan október var úrskurðað um Gylfi yrði laus til 16 janúar.
Þrír möguleikar eru í stöðunni hjá lögreglunni, það er að framlengja það að Gylfi sé laus gegn tryggingu. Lögreglan getur svo fellt málið niður eða lagt fram ákæru. Niðurstaða ætti að liggja fyrir um eða eftir helgi.
Gylfi er 32 ára gamall en hann hefur ekkert spilað með Everton á þessu tímabili. Hann hefur verið atvinnumaður í knattspyrnu frá unga aldri og verið fremsti íþróttamaður Íslands um langt skeið.
Samningur Gylfa er laus í sumar hjá Everton og er talið ólíklegt að hann spili aftur fyrir félagið.
