Ólafur Kristjánsson, yfirmaður knattspyrnumála hjá Breiðablik, settist í settið í Íþróttavikunni með Benna Bó sem sýnd er á föstudögum á Hringbraut. Hann sat þar með Herði Snævari Jónssyni, íþróttastjóra Torgs og fóru yfir fréttir vikunnar. Að sjálfsögðu var ástandið í Vesturbæ rætt en kvennalið KR litaði íþróttafréttavikuna.

„Þarna virðist vera eitthvað rótgróið vandamál í kringum kvennaknattspyrnuna í KR og Palli formaður knattspyrnudeildarinnar reyndi að verjast en fékk alltaf allt til baka í andlitið. Það kom alltaf gagnhögg. Þetta er eitthvað sem KR er að leysa bakvið tjöldin, ímynda ég mér,“ sagði Hörður.

Benedikt Bóas, umsjónarmaður þáttarins, benti á að það var ekki bara eitt vandamál sem kom upp á yfirborðið heldur allt og sagði að frá sínum bæjardyrum séð væri stóra börumálið verið dropinn sem fyllt mælinn. „Þær mæta á æfingar í sumar og þær komast ekki inn í klefann sinn og það virðist vanta viljann í verkið hjá KR,“ bætti Hörður við.

Það er mikill uppgangur í kvennaboltanum. Ekki bara út í hinum stóra heimi heldur einnig hér á Íslandi. Því er þetta KR mál stórt skref aftur á bak. Ólafur benti á að það sé aldrei gott þegar hlutirnir sem hægt sé að leysa innanhúss fljóti upp á yfirborðið. „Auðvitað á þetta að vera í lagi og á að leysa innanhús en þetta börumál virðist hafa sett af stað einhverja skriðu þar sem fólk loftaði aðeins út.

Ég vona þó KR-inga vegna og allra vegna að þeir leysi málið innanhús og fái ró og frið og stelpunum sé sýnd virðing til jafns við karlana,“ segir Ólafur.

Hörður tók viðtal við Lúðvík S. Georgsson formann KR í vikunni sem lét gamninn geysa um félagið. „Hann sagði mér eiginlega í óspurðum fréttum að fjárhagsstaða KR í fótbolta og körfubolta væri slæm. Mjög slæm. Hann taldi Covid vera ástæðu þess en ég leyfi mér að efast um þær fullyrðingar.

Það eru mörg vandmál hjá KR og í mörgum hornum.“

Hægt er að horfa á allt innslagið hér að neðan.