Íslenska landsliðið mætti Venezúela í vináttulandsleik í Austurríki í kvöld en Aron Einar Gunnarsson, Alfreð Finnbogason og Guðlaugur Victor Pálsson voru allir í byrjunarliðinu.
Spilamennska Íslands í fyrri hálfleik var ekki góð og átti liðið í stökustu vandræðum með að halda í boltann.
Mikael Egill Ellertsson átti bestu færi Íslands í leiknum en hann kom sprækur inn af bekknum.
Íslenska liðið vann að lokum 1-0 sigur en liðið fékk vítaspyrnu sem Þórir Jóhann Helgason fiskaði hana. Ísak Bergmann Jóhanneson fór á punktinn og skoraði af öryggi.
Einkunnir úr leiknum eru hér að neðan.
Byrjunarliðið:
Rúnar Alex Rúnarsson 6
Gerði vel í þeim hlutum sem hann átti að gera án þess að það reyndi mikið á hann.
Guðlaugur Victor Pálsson 6
Í hægri bakverðinum gerði hann hlutina varnarlega mjög vel.
Aron Einar Gunnarsson 6
Ný staða fyrir Aron í landsliðinu en þessi stöðu þekkir hann vel í Katar, komst ágætlega frá sínu.
Hörður Björgvin Magnússon 7 – Maður leiksins
Náði vel saman við Aron Einar í miðverðinum og virtist íða vel með þennan reynda leikmann sér við hlið. Besti maður Íslands í leiknum.
Davíð Kristján Ólafsson 7
Byrjaði hægt en vann sig vel inn í leikinn og átti sinn besta landsleik.
Stefán Teitur Þórðarson (´58) 5
Fór lítið fyrir Stefán á miðsvæði Íslands í leiknum.
Hákon Arnar Haraldsson (´58) 5
Sýndi á köflum ágætis spretti en komst ekki nógu mikið í knöttinn.
Birkir Bjarnason (´58) 5
Birkir eins og aðrir miðjumenn sást sáralítið í leiknum.
Jón Dagur Þorsteinsson (´85) 7
Okkar mest skapandi leikmaður í leiknum og átti fína spretti.
Alfreð Finnbogason (´58) 6
Hélt boltanum ágætlega en kom sér ekki í nein færi enda skapaði íslenska liðið varla færi framan af.
Arnór Sigurðsson (´19)
Spilaði of lítið til að fá einkunn vegna meiðsla.
Varamenn:
Mikael Egill Ellertsson (´19) 6
Ísak Bergmann Jóhannesson (´58) 7
Þórir Jóhann Helgason (´58) 6
Aron Elís Þrándarson (´58) 5
Andri Lucas Guðjohnsen (´58) 5
