Graeme Souness, goðsögn Liverpool, er ekki á því máli að Trent Alexander-Arnold eigi að byrja HM í Katar með enska landsliðinu.
Souness var frábær leikmaður á sínum tíma en er þó ansi umdeildur sem sparkspekingur sem hefur verið hans starf í dágóðan tíma.
Souness valdi byrjunarlið sitt fyrir HM í Katar í samstarfi við TalkSport og þar er enginn Alexander-Arnold sem leikur með Liverpool.
Upp á sitt besta er Alexander-Arnold talinn einn besti bakvörður Evrópu en hefur þó verið gagnrýndur fyrir varnarvinnuna.
Margir telja að hann verjist einfaldlega ekki nógu vel en Liverpool spilar mikinn sóknarbolta þar sem hann tekur mikið þátt.
Souness vill sjá þá Reece James hjá Chelsea og Ben Chilwell hjá Chelsea leysa stöðurnar í vængbakverði með þrjá menn í miðverði.
John Stones og Kyle Walker hjá Manchester City eru valdir af Souness sem og Eric Dier, leikmaður Tottenham.
Svona er lið Souness í heildina:
Markvörður:
Jordan Pickford (Everton)
Miðverðir:
John Stones (Man City)
Kyle Walker (Man City)
Eric Dier (Tottenham)
Miðjumenn/vængbakverðir:
Ben Chilwell (Chelsea)
Reece James (Chelsea)
Jude Bellingham (Dortmund)
Declan Rice (West Ham)
Framherjar:
Raheem Sterling (Chelsea)
Harry Kane (Tottenham)
Phil Foden (Man City)
Enski boltinn á 433 er í boði 
