Youri Tielemans, leikmaður Leicester, viðurkennir að það sé erfitt að vera leikmaður liðsins í dag eftir skelfilega byrjun á tímabilinu.

Leicester er á botni ensku úrvalsdeildarinnar með aðeins eitt stig og hefur tapað sex leikjum í röð.

Tielemans var orðaður við stærri lið í sumar eins og Arsenal en hann ákvað að lokum að vera um kyrrt.

,,Ég er ánægður með að fá smá freskt loft því það er erfitt að vera hjá Leicester þessa stundina,“ sagði Tielemans sem er nú með belgíska landsliðinu.

,,Það er augljóst að hlutirnir eru ekki að ganga upp en við gerum allt sem við getum sem lið. Töpin hafa haft áhrif á okkur sem hóp. Við þurfum að nota þetta til að hlaða batteríin.“

,,Ég yfirgaf ekki Leicester í sumar því ég hef alltaf séð þetta sem rétta verkefnið. Bara því hlutirnir eru ekki að ganga upp þá sé ég ekki eftir þeirri ákvörðun.“

Enski boltinn á 433 er í boði