Chris Kamara, sparkspekingurinn vinsæli sem starfaði lengi hjá Sky Sports um árabil, er í viðtali í þættinum The Diary Of A CEO, þar sem hann opnar sig um hin ýmsu málefni.

Kamara hætti hjá Sky Sports fyrr á þessu ári eftir 25 ára starf. Hann var afar vinsæll á meðal áhorfenda.

Í þættinum opnar hann sig um taugasjúkdóm sem hann er með, sem lýsir sér þannig að sá sem þjáist af honum missir getu til að framkvæma ýmsar hreyfingar og bendingar, þrátt fyrir að sá hinn sami vilji framkvæma þær.

„Mér líður eins og svikara. Þau eru ekki að fá það besta úr mér en láta sig hafa það,“ segir Kamara í þættinum um störf sín hjá Sky Sports með sjúkdóminn.

Hann ræðir einnig æskuárin, hvernig það var að vera dökkur á hörund sem barn á Englandi, en nær allir voru hvítir þar sem hann bjó.

Þá segir Kamara frá ofbeldi sem faðir hans beitti móður hans, sem og fátækt á heimilinu.

Hér að neðan má sjá viðtalið í heild.