Cody Gakpo, leikmaður PSV Eindhoven, bjóst um tíma við því að hann gæti verið á leiðinni til Manchester United í sumar.

Gakpo segir sjálfur frá þessu en hann var orðaður við enska stórliðið í dágóðan tíma fyrir gluggalok.

Þessi 23 ára gamli leikmaður hefur staðfest áhuga frá Man Utd en ekkert varð að skiptunum að lokum og samdi Man Utd frekar við Antony, leikmann Ajax.

,,Í byrjun gluggans þá sýndi United áhuga en hann var ekki það mikill svo ég þurfti að bíða,“ sagði Gakpo.

,,Undir lok gluggans varð áhuginn sterkari og ég byrjaði að hugsa að þetta gæti orðið að veruleika. Í síðustu viku þá byrjaði áhuginn hins vegar að dafna og ég hugsaði með mér hvort þetta væri rétt skref.“

,,Ég ræddi við önnur félög, önnur félög í ensku úrvalsdeildinni sem gætu verið gott skref en það eru fleiri hlutir til að íhuga eins og HM.“