Stjarnan bauð upp á sýningu úi Bestu deild kvenna í kvöld er liðið mætti Aftureldingu á Samsung vellinum í Garðabæ.

Stjarnan valtaði yfir fallbaráttuliðið á heimavelli í kvöld og skoraði sjö mörk gegn einu frá gestunum.

Jasmín Erla Ingadóttir stal senunni í kvöld en hún skoraði þrennu fyrir Stjörnuna sem er í þriðja sæti með 27 stig.

Stjarnan er aðeins einu stigi á eftir Breiðabliki sem er í öðru sæti og fimm stigum á eftir toppliði Vals.

Þór/KA vann einnig gríðarlega mikilvægan sigur í fallbaráttunni, heima gegn Þrótti Reykjavík, 1-0.

Akureyringarnir eru nú fjórum stigum frá fallsæti og voru að vinna sinn fjórða leik í sumar.

Stjarnan 7 – 1 Afturelding
0-1 Eyrún Vala Harðardóttir(‘5)
1-1 Jasmín Erla Ingadóttir(’34)
2-1 Gyða Kristín Gunnarsdóttir(’43, víti)
3-1 Jasmín Erla Ingadóttir(’44)
4-1 Betsy Hassett(’61)
5-1 Gyða Kristín Gunnarsdóttir(’63)
6-1 Málfríður Erna Sigurðardóttir(’68)
7-1 Jasmín Erla Ingadóttir(’83)

Þór/KA 1 – 0 Þróttur R.
1-0 María Catharina Ólafsd. Gros(’55)