Manchester United hefur staðfest að félagið hafi náð samkomulagi við Real Madrid um kaup á miðjumanninum Casemiro.
Casemiro var óvænt orðaður við Man Utd fyrir aðeins nokkrum dögum en enska félagið hefur reynt við fjölmarga miðjumenn í sumar.
Brassinn á aðeins eftir að ná persónulegu samkomulagi við Man Utd og fá atvinnuleyfi og mun svo gangast undir læknisskoðun.
Casemiro er þrítugur reynslumikill leikmaður sem á að baki yfir 500 leiki á ferlinum og þar að 64 fyrir Brasilíu.
Hann hefur unnið 17 stóra titla í gegnum árin og þar á meðal Meistaradeildina fimm sinnum.
Kaupverðið er talið vera um 60 milljónir punda.
