Körfuboltastjarnan Josh Hart vakti töluverða athygli á Twitter á mánudag eftir leik Liverpool og Crystal Palace.
Darwin Nunez fékk að líta beint rautt spjald í þessum leik fyrir Liverpool en hann skallaði Joachim Andersen, leikmann Palace.
Hart kom með áhugaverðan punkt á Twitter og bendir á að Nunez hefði átt að rífa í hárið á Andersen frekar en að hlaða í skalla.
Hart vitnar þar í atvik sem átti sér stað á sunnudag er Chelsea og Tottenham skildu jöfn, 2-2.
Christian Romero sást þar rífa hressilega í hár varnarmannsins Marc Cucrella fyrir jöfnunarmark Tottenham en ekkert var dæmt.
Margir horfðu undrandi á þann leik og veltu því fyrir sér hvernig dómaratríóið myndi ekki dæma á svo augljóst brot.
In the @premierleague you cant head butt….he should have just pulled his hair. He wouldn’t have got anything
— Josh Hart (@joshhart) August 15, 2022
