Ýmsir veðbankar á Englandi eru byrjaðir að borga þeim sem veðjuðu á að Erik ten Hag yrði rekinn fyrstur allra í ensku úrvalsdeildinni á tímabilinu.

Ten Hag hefur byrjað skelfilega með Man Utd en hann tók við keflinu hjá félaginu í sumar eftir góð ár hjá Ajax.

Byrjunin í Manchester hefur verið hörmuleg en liðið tapaði fyrsta leik sínum heima gegn Brighton og í gær 4-0 gegn Brentford.

Paddy Power er á meðal þeirra sem eru byrjaðir að borga þeim sem töldu Ten Hag verða þann fyrsta til að taka poka sinn á tímabilinu.

Ten Hag mun þó væntanlega fá mun meiri tíma í starfinu en hann tekur við erfiðu búi þar sem hlutirnir virka ekki í lagi.