Erik ten Hag, stjóri Manchester United, var hundfúll með frammistöðu liðsins gegn Brentford í gær.
Man Utd tapaði sínum öðrum deildarleik í röð í gær en Brentford hafði betur með fjórum mörkum gegn engu.
Sky Sports greinir nú frá því að Ten Hag hafi tekið hart á hópnum á aukaæfingu sem var haldin á æfingasvæði liðsins í dag.
Leikmenn Man Utd áttu upphaflega að fá frí þennan sunnudag en voru kallaðir til vinnu eftir frammistöðu gærdagsins.
Leikmenn Brentford hlupu 13,8 kílómetrum meira en leikmenn Man Utd í gær og þurftu þeir að bæta upp fyrir það í dag.
Sky segir að Ten Hag hafi látið leikmenn enska stórliðsins hlaupa einmitt 13,8 kílómetra á æfingunni í dag og er alveg á hreinu að hann var hundfúll með lið sitt í gær.
🗞 Erik ten Hag wanted to make #mufc players run 13.8 kilometres (8.5 miles) during their exercises in their extra training session today. Brentford players (109.4km) ran 13.8 kilometres more than United players (95.6km) yesterday. [@SkyKaveh]
— UtdDistrict (@UtdDistrict) August 14, 2022
