Christophe Galtier, stjóri PSG, hefur staðfest það að Mauro Icardi sé til sölu í sumar.
Icardi var á sínum tíma öflugasti sóknarmaður Ítalíu er hann lék með Inter Milan fyrir félagaskipti til PSG.
Galtier ætlar ekki að notast við Icardi í vetur og er félagið nú að reyna að losna við hann endanlega af launaskrá.
,,Félagið er að vinna náið með Mauro til að finna réttu lausnina,“ sagði Galtier.
,,Mauro hefur ekki fengið mikið að spila undanfarin tímabil og ég held að það sé mikilvægt fyrir hann að komast aftur af stað.“
,,Ég held að það sé mikilvægt fyrir hann að komast aftur í leikinn.“